Assam Rifles-i nisung 2 apu

Dimapur, July 24 (TYO) : July 20, 2016 nü 32 Assam Rifles-i police den külemi Doyapur yimtsüng nung mita aodang 12 Bore prangpong, pt 15 cartridges aser pt 65 mm bore Cartridges angu.
Iba dak sendakba nung nisung ka apu aser paji DHD (Dima Halam Daoga) nung ex Major Moharat Jeedong ta jangjaogo. Pa ya Doyapur village, Dimapur nung Lolbong Jeedong’er jabaso lir, ta Assam Rifles sangdong ka nung metetdaktsü.
Pa den külemi pa ket nungi apuba osettem ajak Dhansiripar Police Station, Dimapur ket nung agütsüogo, ta sangdong nungsa shia lir.
Kasa anogo nungsa, nisung ka prangpong-injang bener senzür ta osang tejangja kar angazükba sülen Assam Rifles-i Signal Basti nung mita ao.
AR sepaitem den police-i temulung melemi bilemba ki ka mita reprangdang 12 bore Rifle ka, Pt 22 Rifle ka aser 12 bore Rifle rounds 24 ngutet, ta AR sangdong nungsa metetdaktsü.
Iba dak sendakba nung nisung ka apu aser paji Signal Basti village nung asür Dozuxu Chophy’er jabaso Tokhevi ta jangjaogo, Pa den külemi apuba prangpong-injangtemji Sub Urban Police station, Dimapur ket nung agütsüogo, ta sangdong nungsa shisem.