Tennis: Feliciano Lopez-i Swiss Open takok marok nguogo

Gstaad (Switzerland) July 24 (Agencies) : Deobarnü Gstaad nung Spain nungi tennis asayar Feliciano Lopez-i tanü tembangba Swiss Open final asaya nung Netherlands nunger Robin Haase-i madak minute 77 nung 6-4, 7-5 nguteta takok ngua iba asayamung takok marok nguogo.
Küm ter tejakdang Lopez-i kasa asayamung final asaya nung tamakok anguba sülen tan takok nguogo aser ibai pa asoshi clay moapu nung mezüng takok asütsü. Pa tennis asaya tenzüker tang takok anguba dena takok ajak agi pongu nguogo, ta Efe osang ajanga metetdaktsü.
2006 küm Swiss Open final asaya nung Lopez-i France nunger Richard Gasquet madak tamakok ngua liasü.
Lopez-i, 2004 Vienna Open, 2010 Johannesburg Open aser Eatsbourne open 2013 aser 2014 takok maroktem ngua lir.