Assam Rifles-i Elumyo nung medical camp agi

Dimapur, July 25 (TYO) : 28 Assam Rifles-i July 23, 2016 nü Wokha district kübok Elumyo yimtsüng nung Medical camp ka ayongzüka agi, ta sangdong ka nung metetdaktsü.
Iba camp nung tebur 73, tetsür 74 aser tanur 17 tashi temang tendanga anepalu, ta AR sangdong nung ashi.
Medical camp agiba nung civil administration-ia teyari agütsü aser Medical Officer ka den tetsür doctor kati shirangertem anepalu aser mozütem angati lema agütsü, ta sangdong nungsa shia lir.
Sentong nung adenertem dang pei temang merükmejua ayutsüba aser malaria nungi jenbua alitsü tesayubatem agütsü. Iba mapa asoshi Wokha district nung Civil Administration-i Assam Rifles dang pelaba metetdaktsü, ta sangdong nungsa ashi.