Test series: Sri Lanka-i Australia madak takok nguogo

Pallekele, July 30 (Agencies): Lakshan Sandakan aser Rangana Herath nati kanga junga asayaba ajanga par Sri Lanka teloki runs 106 agi Australia telok madak takok ngua, Test series asaya asayaogo.
Tan takok anguba ya par teloki küm 17 tsüngda nung tan mezüngsüa Australia telok den asayaba Test asaya akoker lir.
Sri Lanka teloki 1999 küm September ita 11 nü Australia telok madak tesüsa test asaya akokba sülenbo tanü tashi takok monguteti aru.
Kusal Mendis-i runs 176 tashi yanglua asayaba den külemi bowler 2, Herath aser tan mezüngsüa Sri Lanka telok tenüng nung test asaya nung shilem agisang, Sandakan nati wickets jenti agia kangasa junga shilem agiba ajanga par Sri Lanka teloki Australia telok madak takok ngua, tan otsü tasen yanglur lir.