Kohima High School Ward nung Special Health Camp alitsü

Dimapur, August 1 (TYO) : 10th Northern Angami A/C kübok High School Ward nung DPDB Adoption Committee-i Special Health Camp ka ayongzüka agitsü.
Iba sentong ya parnoki NHAK den yaritepa ayongzüker aser August 3 anepdang 8:00 ako nungi tenzüka Multipurpose Hall, Razhiikhrie Government Higher Secondary School, Kohima nung agitsü.
Special Health Camp atema Youth Resources & Sports & Lotteries Parliament Secretary, Khriehu Liezietsu-i teyari agütsür.
Camp mapang Gynaecologist, ENT, Medicine, Surgeons aser Paediatrician specialist Doctor tem indang teyari angutsü. Iba camp nung High School ward nung alirtem ajak arua angati temang anepalutsü pelashishia jaoker ta sangdong ka nung metetdaktsü.