Rotary Club Kohima-i NMA nem Rotary peace award agütsü

July 30, 2016 nü Kohima nung RCK 13 buba installation sentong nung Parliamentary Secretary Khriehu Liezietsu-i Naga Mothers Association nem Rotary Club Kohima Peace Award agütsüdang agiba noksa angur.

Kohima, August 1 (TYO) : July 30, 2016 nü de Oriental Grand Kohima nung Rotary Club (RC) Kohima President & Board of Directors 13 buba Installation sentong ayongzüka agi.
Iba sentong nung tongti tesemdangerji Youth resources & Sports, Music Task Force & State Lotteries Parliamentary Secretary, Khriehu Liezietsu aser tetushi süa jaokerji Zone IX Assistant Governor, Rtn. Lucy Akokla liasü.
Iba sentong nung Naga Mothers Association (NMA) nem Rotary Peace Award 2015-16 agütsü.
RC Kohima ajanga Free Heart surgery agiba tanurtem den parnok kibongtem nema tetushi agütsü.
RC Kohima nung ketdangpur tasen shimertemji item ya lir.
President- Rtn. Rosemary Dzuvichu, Vice President- Rtn. Arepla Sancho, Secretary- Rtn. Dr. Neisatuo Mero, Joint Secretary- Rtn. Temsumenla, Treasurer- Rtn. Thiala Chang, Director Youth Service- Rtn. Dr. Ratan Kaurinta & Rtn. Richard Dzuvichu, Director International service- Khoto Savi, Director Club Service- Rtn. Dr Kezevituo Keditsu, Chair Rotary Foundation- Rtn. Seyie Rio, Chair Literacy- Rtn Kevino Savino aser Sgt.at arms- Rtn. Director Community Service. President Elect 2017-18- Rtn. Tokishe Sema.
Naga Mothers Association ya 1984 küm tenzük aser parnoki loktiliba nung temelenshi bener arutsü, yimjung aser tetsürtem temeten atema inyaka arur.
NMA-i Times of India Lifetime Achievement Award dena nguogo aser 2015-16 küm tsüngda tasütait tetsütemi mapa tulu aika inyak aser item rongnung ozüng alema mapa inyakba anentsü aser yimjung bener arutsü atema Naga Yimten lennirtem, India Home Minister aser armed forces den ajurutepba liasü.
NMA-isa Burma arrtsü adena oa NSCN(K) den yimjung olemtep agiba mapa Rotary Club (RC) Kohima-i kuli süogo aser item ajak nung ajemdaker parnok nem Rotary Peace Award 2015-16 agütsü.
Rotary Peace Award ya Charter President Rtn. Rosemary aser tang teinyakdak President Rtn. Richard tebu asür Philip Suosahie Dzuvichu’er kibongi agütsür.
Rotary Peace Award ajanga yimjung bener arutsü teimla nung chichiba Khristan lennir ka aser yimjung nisung ka nüngtem nung iba sempet agütsür
Sentong nung Rotarians aser kibongtem, tetsür lennirtem, Nagaland University Teachers Association aser RC Kohima indang service projects kübok rotaractors, tanurtem aser kibongtem aden.