Iran N-scientist Amiri alenseta südaktsü

Tehran, Aug 07 (Agensies) : Iran nunger nuclear scientist Shahram Amiri-i US dang Iran nuclear sentong indang miim osang metetdaktsüba ajanga alenseta südaktsü, ta sorkari osang tejangja metetdaktsüogo.
Shahram Amiri-i tanga linük nem memetetdaktsütsüla miim osang metetdaktsüba ajanga alenset, ta obendangdak otongdar kati ashi.
Amiri ya 2009 küm Saudi Arabia nungi khen mangu aküm aser küm ka shi lir külen US nung poktet. US nung CIA temi pa pua yur asüngdangya asü, ta pai ashi.
Iba sülen pa Iran-i meyipa aru aser mapang talangka tepuokdak ayu.
Pa alenseta südaktsüba osang ya Honibarnü temai adoka sangdong.
Amiri tetsüi, pa tasümang onok nem bener arua agütsüdang pa tekong nung süngzü agi alenba tarak liasü, ta ashi.
Iran obendangdak otongdar, Gholamhossein Mohseni Ejei-i, “Pa US den tesentaktep tajung ayuba sülen linük miim osang metetdakja itangiter ka ama aküm,” ta Deobarnü ashi.
Amiri ya 1977 küm aso aser Mecca-i temeshi aieni aoba mapang nungi mangu aküm.
2010 küm pa US nung poktetba sülen pai pa US nungeri puer ao aser shisatsü nung kanga timtemdakja linük miim osang asüngdangya asü, ta ashi.
Aji oda süaka iba mapang US ketdangsertemi, Amiri-i pa sasa item miim osang parnok nem metetdaktsü, ta ashi.