Musician Ricci Martin arishi küm 62 nung süogo

Los Angeles, August 7, 2016 : Nüngtugu entertainer Dean Martin’er jabaso tanubusang, musician Ricci Martin arishi küm 62 nung iba lima nungi pilaogo.
Ricci ya Utah nung par kidang sür lia Bodhbarnü angu, ta par kinungertemi ashi.
Pa kechi agi asü ano ibaji mejangja, ta variety.com-i ashi.
Ricci-i jala asem Pepper, Montana aser Rio nunger den tetsü Jeanne Martin, teti tambusang Craig aser aianu pezü Gail, Deana, Gina aser Sasha nunger anünga yutsür iba lima nungi pila.
1970s mapang nung Ricci-i Beach Boys nung Carl Wilson den lokteper “Beached” kensep adoka liasü. Iba sülen mapang tatsüka dang lir külen pai Carl aianü den kidong küma tena anükapang aküm.
1990s mapang pa rock kentener telok Dino nung tedi tasüsang, Dean Paul Martin  melena aden. Iba telok nung adenba sülen pai Desi Arnaz Jr o Billy Hinsche nunger den külemi MGM Grand hotel, Las Vegas aser ano tanga club aika nung shilem agia jaja. Tedi Dean ya 1987 küm tsükokba sepai tayimtsü ka asü.
Ricci-i 2002 küm “That’s Amore” ta tenüng agütsür kaket ka zülu. Iba kaket nung pa Beverly Hills, California nung par kibong den intetba otsü lir. Iba ostü kaket nung pa arishi küm 21 ajungba mapang John Lennon, Ringo Starr, Elizabeth Taylor, David Bowie aser Elton John nunger jaokba dena zülua lir.
Tawa tanü ya pa tebu bilemteta pa nem akhümtsübu agüja kenten sentong ka-a jajaba mapang ka liasü.