Russia fans’ tem kidang auya

Rio de Janeiro, August 7 (Agencies) : 2016 Olympics lapokba sentong akadang Russia Olympic team fans’ tem indang kidang auya, ta ki kibur Anastasiya Grigoryeva-i ashi.
“Olympic Games lapokba sentong akaba mapang Russian Olympic team fans’ tem anenba kidang auya. Auertemi iba ki nungi laptop asem den camera ka auyar ao,” ta Honibarnü Grigoryeva-i Tass nem osang agütsü.
Iba tatalokba police-i reprangdar aser tang bushisüngdang tesüdak lir.
Fans tem anenba ki ya mapang lemsa-a lir, ta lai ashi.
“Ajisüaka kechi südir süaka onoki maneni inyaker aser ajak atema iba ki lapoka dang lir,” ta Grigoryeva-i ashi.
“Iba asayamong nung asayartem sapua nungittsü arur aienertem maneni agizüktsü,” ta lai ashi.
2016 Summer Olympics sentong August 5, 2016 nü tenzükogo aser August 21, 2016 nü tembangtsü.