2016 Olympics: India-i goal 2-1 agi Argentina akok

Rio de Janeiro, August 09 (Agencies): India’er tebur hockey teloki goal 2-1 agi Argentina telok madak takok ngua tang tasayadak Rio Olympics Pool B asaya nung tanü, Mongolbar nü shilem agiogo.
Ghonda 24 tejaklen Germany telok nem takok ngudaktsüba sülen India teloki tan takok ngua, Pool B nung tanabuba jenjang angur telok akümer lir.
Tanü asaya tenzüker minute 8 buba nung Chinglensana Singh-i goal 1 agüja India telok temaba jenjang nung ajungkettsüba sülen Kothajit Singh-ia minute 35 buba nung goal 1 agüja par telok goal 2-0 agi jenjang tajungba ngudaktsü.
Tesülen, asaya tenzüker minute 49 buba nung Gonzalo Peillat-ia goal 1 agüja par Argentina telok jenjang tajungba kümdaktsü saka par teloki tanabuba goal memeyiptsütetba yong tanü tamakok ajurutsüsa aküm.
Tan tamakok anguba ya Argentina teloki 2009 küm tamakok ajuruba sülen tan mezüngsüa India nem takok ngudaktsür lir.