Hornbill Club pur Tsüngremmong among

Dimapur, August 03 (TYO) : Dimapur nung Hornbill Club pur Lengrijan kiyong nung yakanü Tsüngremmong benjong sentong ayongzüka mongogo.
Iba sentong nung Tsüngrem o nungi Tsüngremmong amongba indang DABA nung sannüker Rev.L.Lima Jamiri jembi aser Lengrijan Village council nung mendenbuba Wb.Meren Imcheni tayongzükba o jembia liasü.
Iba sentong nungsa Hornbill Club nung Advisor, Wb.A.Bendang Jamiria lanurtemi sobaliba sapua benshitsü asoshi tajungshi o jembi. Iba sentong nungsa Hornbill Cultural Ckub-i adokba tsürabur ken kaket aser CD ka saya.
Iba benjongmong sentong nung lanurtemi yartsüngsanga sobaliba ken tena benjong longsutepa liasü.