Nawazuddin, Sonam aser Fawad nunger IFFM award angu

Melbourne, August 13, 2016 : Indian Film Festival of Melbourne (IFFM) 2016 sentong nung Nawazuddin Siddiqui, Sonam Kapoor aser Fawad Khan nunger tetushi tulu nguogo.
Hokolbarnü Melbourne Recital Centre nung akaba sentong nung “Parched” film agi Best India Film aser Shakun Batra-i direct asüba “Kapoor & Sons” film agi Best Movie award tem angu, ta sangdong ka ajanga metetdaktsü.
Nawazuddin-i  “Raman Raghav 2.0” film nung shilem junga agitetba atema Best Actor aser Sonam-i “Neerja” film nung shilem junga agitetba atema Best Actress award angu.
Pakistan nunger Fawad-i India aser Pakistan film tem nung shilem tajung agiba atema Diversity Award angu.
Iba den külemi Bollywood actor tejen Rishi Kapoor nem ‘Indian Film Festival of Melbourne Excellence in Cinema Award’ agüja tushi.
Celebrity Malaika Arora Khan, Anurag Kashyap aser Rishi o kinungtsü, Neetu Kapoor na den Rituparna Sengupta aser Richa Chadha nungera iba sentong nung shilem agia liasü.
IFFM 2016 sentong ya August 21, 2016 nü tembangtsü.