5 AR-i Sutsu yimtak nung NSCN (KN) züngsem ana apu

Dimapur, August 13 (TYO) : Assam Rifles temi osang tejangja angashiba sülen August 05, 2016 nü Zunheboto District kübok Alahuto Colony nung mita ao. Parnoki police den lokteper mita aoba mapang NSCN (KN) züngsem ana apu. Tena ket nungi 9mm Pistol ka den injang ana aser ozüng alema sen saruba kaket ka ta nguteta lir.
Tang pua aliba telungpur ana ya IhoviNguvike aser HokiviIkishe na lir ta jangjaogo.
Telungpuri ozüng alema sen saruba osang yimtaklirtemi 5 Assam Rifles nem metetdaktsü aser parnok dang item nisung aputsü ashi.
Tang pua aliba nisung ana ya ozüng alema district nung kanga sashia sen sarurtem lir. Tena August 05, 2016 nüsa Zunheboto Police Station nung agütsü.