PL tetenzükba asaya nung Hull teloki champions, Leicester akok

London, August 13 (Agencies): 2016-17 Premier League (PL) asayamong tetenzükba asaya nung defending champions, Leicester City teloki tamakok ajurua tanü, Honibar nü shilem agiogo.
Tanü asaya nung Hull City teloki goal 2-1 agi Leicester telok madak takok ngua liasü.
Adama Diomande-i asaya mezüngbuba shilem tembangtsü minute 1 shi anünga alidang goal 1 agüja par Hull telok temaba jenjang ngudaktsü.
Ajisüaka, Leicester asayar, Riyad Mahrez-i asaya tanabuba shilem tenzüker minute 2 buba nung penalty takok ngua metsüokja goal agütsüba ajanga par telok anaprongla kasa jenjang kümdaktsü.
Tesülen, Robert Snodgrass-i asaya tenzüker minute 57 buba nung tanabuba aser takokba goal agüja par Hull telok nem takok ngudaktsü.