Pur Ajem teloki 3-Men Soccer takokba agizük

Dimapur, August 13 (TYO): Pur Ajem teloki ayonger Mokokchung kübok Mopungchuket yimtsüng kübok Community Hall nung asayaba 2 buba 3-men soccer asayamong nung par telokisa takok marok agizükogo.
Anasa aliba jila aser yimtsüngtem nungi ajak agi telok 15-i tan asayamong nung toktepa shilem agi.
Defending champions, Pur Ajem teloki goal 1-0 agi Bolong Club madak final asaya koka takok marokji agizük.
Tan asayamong nung asaya shia minute 10 tashi agia asaya liasü.
Tan asayamong nung goal 8 tashi agütsüsang, Mokokchung nung tentetba Knights FC asayar, Temjenrenba-i Highest Scorer sempet agizük aser Mopungchuket nung tentetba Bolong Club asayar, Tzüdi-i Player of the Tournament sempet agizükba osang jangjaogo.