Bangladesh Navy-i India nunger angopur tasümang 5 angu

Dhaka, August 14 (Agencies) : Bay of Bengal tzüyim nung India nunger angopur rong ka nung nisung 17 mener meküpokba lendong nung asürtem tasümang pongu tashi Bangladesh Navy temi nguteta lir. Iba den külemi parnok angopur anabo taküm kümzüka lir.
“Onoki angopur ana taküm kümzüka lir, aser tasümang pongu nguteta lir” ta Deobarnü Bangladesh Navy ketdangser kati Xinhua news agency dang ashi.
Honibarnü India nunger angopur parnok 17 amenba rong ka Bangaladesh tzüküm nung meküpokba sülen rong nung mena alirtem mangu bushitepa liasü.
Tzü nung meküpokba rong den külemi jaja aliba ano tanga rong ka nungi signal anguba sülen Bangladesh Navy temi rong ana den mita aoba tayimtsü ka bushisüngdangtsü atema yok.
Iba rong ya Hiron Point nungi mile 40 shi pilar Bay of Bengal tzüyim nung meküpok. Hiron Point ya Sundarbans nung sodi mapang südoksünema kazüba nüngtugu tesem ka lir. Alima nung iba ya ‘mangrove’ arem rongnung tulutiba lir.