Mkg nung ozüngi memelaba chiyungtsütem raksaa indok

Mokokchung, Aug 14 (TYO): Mokokchung Principal District and Session Judge tetuyuba kübok Destruction Committee-i Honibarnep Mokokchung nung ozüngi memelaba temesepba chiyungtsü rum case 61, whiskey case 2, can beer case 17 aser aküt mozü (cough syrup) bottle 9000 (100 ml) raksaa indokogo, ta osang ka ajanga metetdaktsü.
Destruction committee luden nungi züngsem district administration den police, judicial, mulungtet telok aser osangzülur nungi ketdangsertem densema parnoki iba raksaa indokba maparen ya inyaka liasü, ta osang ajangsa metetdaktsü.
Nagaland nung temesepba yi mayoktsü NLTP ozüng liakasa, mapang shia security-temi asen lima tesem balala nungi temesepba chiyungtsü shibelenba osang aika atalokdaki.