BSNL-i Deobar anogotem nung angati Unlimited Calls agütsütsü

New Delhi, August 14 (Agencies): Independence Day anogo, August 15, 2016 nü nungi tenzüka linük meyong BSNL-i Deobar anoogtem nung mobile network mesüra landline mashii nungi angati unlimited voice calls agütsütsü, ta Telecom Minister, Manoj Sinha-i sangdong ka ajanga metetdaktsü.
“August 15 anogo nung BSNL customer temi BSNL landline nungi network mobile aser landline mashii angati unlimited free voice call sütettsü, iba nungi tenzüka Deoba anogotem nung iba offer angutsü,” ta sangdong nung shia lir.
Tang BSNL-i aonung 9:00 ako nungi anepdang 7:00 ako tashi angati unlimited night call agütsür.
BSNL indang market share shilem 57 shi lir aser customer million 14.35 lir.
“Iba service ya BSNL landline customer ajak atema asütsü, iba dak alia aonunga angati call asüba scheme lir. Customer tasen atema tang onoki mezüngbuba ita 6 atema ita shia rental Rs 49 nungi agir, iba sülen costumer temi pa/lai aginüba plan melentsü akok. Ita shia rental tajembaji Rs 99 lir,” ta BSNL CMD, Anupam Shrivastava-i ashi.
BSNL angati call asüba scheme nükjidong ya, nüburtemi pei kidang aliba mapang nungbo landline phone amshia mobile phone bills kümzüktsü atema lir, ta BSNL ketdangser kati ashi.