Vin Diesel-i Paul Walker indang video kar lemsatep

London, August 14, 2016 : Actor Paul Walker alima nungi pilar joko küm asem ajunger ajisüaka “Fast & Furious” film tarensentem nung shilem agisang ya pa den külemi item film nung shilem agisang aser tembar tajung, Vin Diesel mulungjang nungi mepilar.
Tang Dwayne ‘The Rock’ Johnson den “Fast 8” film atema kanga mazüngi inyaktepba mapa ka süaka, Diesel-i Paul indang temulung shirangtsü video ka Instagram nung lemsatep, ta Daily Mirror osang ajanga ashi.
“Ozü tanur tasoba anogo nung taginüba zülutenba reprangdang dang, pai Paul arudaktsüner ta ashi,” ta Diesel-i temulung shiranga bilemtet.
“Ozü tanuri ano, ‘Ni Paul kanga menungrar’ ta ashi. Onok ‘Fast 6’ film tangokba mapang ozü tanur arishi küm 2 ajungnü Paul-a kidangi aru,” ta pai ashi.