Asür Prince meyong ki trok ayoktsü

Los Angeles, August 14, 2016 : Kentener asür, Prince meyong kechisarena reprangba company-i pa indang ki trok ayoktsü atema court nungi temelaba agiogo.
Kentensang, Prince ya April ita mozü overdose sür asü aser pai pa senmang shinga tenüng nunga meyutsü.
Company, Bremer Trust-i court ka nungi  “Diamonds and pearls” ken atensang meyong osettem ayoktsü temelaba meshi aser iba obendangdak obendangeri pa oset kar ayoktsü temelaba agütsüogo, ta femalefirst.co.uk osang ajanga ashi.
Iba company yagi pa indang oset tulu 15 court nem zülur agütsü aser iba nung Obendanger Kevin Eide-i ki trok ayoktsü temelaba agütsü.
Pa oset timba ka pa aliba Chanhassen, Minnesota nung lir aser item rongnung ki item yaa densema lir. Item ki rongnung commercial building tila kabo sen million 44 alang lir. Ano tzüto Ann aser Lucy tzüküm nung aliba ali, 156-acre, sen million 13.7 lir. Parnoki zülur agütsüba tarensen nung Turks aser Caicos asetkong nung aliba oset-a kar dena lir.