Kazan, August 03 (Agencies): Defending champion, China nunger Sun Yang-i tang Russia kübok Kazan nung tasayadak Aquatics World Championships tebur 400m freestyle final nung mezüng alizüng tonga gold medal yashi Deobar nü agizükogo.
Taoba mapang nung world champion 5 ben tashi akümsang, arishi küm 23 tain Sun-i Britain nunger James Guy ajangteta minute 42.58 seconds nung alizüng tonga takokbaji angu.
Guy-i 300m atongba mapang tashi Sun den temaba jenjang nung liasü saka Sun-i Guy ajangteta 1.17 seconds agi tekaraba mapang nung alizüng atong.
Sun-i maneni tebur 200m, 400m aser 1,500m freestyle densema tebur relay tetoktepba nunga shilem agitsü renema lir.
Tetsür 400m freestyle shilem nunga arishi küm 18 tain America tsür Katie Ledecky-i alizüng minute 3:59.13 nung tonga championship otsü tasen ka yashi yanglua liasü.
Ano külen, Sweden tsür Sarah Sjostrom-ia tetsür 100m butterfly shilem final nung minute 55.64 seconds nung alizüng tonga laisa taoba mapang minute 55.74 nung alizüng tonga yangluba otsü ajangteta otsü tasen ka tanü Hombar nü yangluba osang jangjaogo.
Aquatics World Championships: Sun-i 400m freestyle gold agizükogo added by nungsang on
View all posts by nungsang →
You must be logged in to post a comment Login