Tiger Shroff ‘SOTY2’ lir: Karan Johar

New Delhi, August 15, 2016 : Karan Johar-i, “Student of the Year 2 film nung Tiger Shroff-i tongti shilem agitsü aser Punit Malhotra direct asütsü,” ta tweet asü.
Karan Johar-i yangluba ‘Student of the Year’ film ajanga Bollywood nung actor asem aniok– Alia Bhatt, Varun Dhawan aser Sidharth Malhotra—aser pai iba film den sentaktepa ano ka yanglutsü renema lir.
Karan-i, “Ya OFFICIAL…. Punit Malhotra Direct asüba STUDENT OF THE YEAR 2 ( SOTY2) film nung TIGER SHROFF @iTIGERSHROF-i tongti shilem agitsü,” ta Twitter ajanga metetdaktsü.
Karan-i telephone ajanga iba film nung shilem agitsü atema screen test agitsü asüngdangdang ni kanga aoksa, ta Tiger-i ashi.
Ajisüaka Tiger-i iba tetendangba mela mela ajangtet.
Tiger Shroff den tetsür shibai tongti shilem agitsüar ano mejangja. Mezüngbo Shahid Kapoor tenu Ishaan aser Saif Ali Khan’er jala Sara nati film nung tan mezüngsüa SOTY 2 film nung tongti shilem agitsü ta jembia liasü.
Karan-i twitter ajanga osang sangoktsüba sülen SOTY atema inyakertemi pa den pelaba lemsatep.
“SOTY 2 ji ajungtsü amai bilemer,” ta Varun-i tweet asü, ajisüaka Alia-i, “YAY…iba film nung tongti shilem agitsü tetsür tia takalaji shiba-ar metetner. Iba film jenjang tajungba küma melentsütsü atema @iTIGERSHROFF dang tajungba shinga mali!!!” ta Twitter nung lemsatep.