Tan ita nungi Rajinikanth ‘2.o’ film tangoktsü

Chennai, August 15, 2016 : Superstar Rajinikanth ita ana shi film metangoki arur tan ita tatemlen nungi Tamil sci-fi action drama “2.o” film tangok tenzüktsü.
“Rajinikanth sir tashi ita lir aser pai tan ita tatemlen nungi film tangokba nung shilem agitsü sentong lir. Iba film producer temi taoba hopta tatemlen pa den par tonga oa ajurutepa liasü aser indangji pai tangbo pa tajungba kümogo anungji telok den kobi melii külemi shilem agitettsü ashi,” ta Rajinikanth den ajak lemsateper kati IANS dang ashi.
Rajinikanth ya par jala Aishwarya den ita ka tashi US nung oa among aser India-i July 24, 2016 nü meyipa aru.
US nung oa amongba mapang “Enthiran” film nung shilem agisang, Rajinikanth ‘detoxification’ agi. Ashiba agi pa surgery ka agiogo, ajisüaka tang tashi nung iba indang osang tejangja kecha temai madok.
Pa Virginia nung aliba Satchidananda Ashram nunga khen tatsüka among.
2010 blockbuster film “Enthiran” den sentaktep yangluba, S. Shankar-i direct asüba “2.o” film nung Superstar Rajinikanth-i scientist Vaseegaran ama shilem agitsü.
“2.o” film ya sen crore 350 intoka yanglutsü aser iba film nung Bollywood actor Akshay Kumar-i nisung tamajunger shilem agidar. Ano Amy Jackson, Sudhanshu Pandey aser Adil Hussain nungeria kasa film nung shilem agidar.