Alokba-i tebu mangjak nung jembir

Pastor : Tang asüpila o ashitsü kinunger nem tama mapang lapoktsür… Iba sülen kiyonger aser yimeri agitsü.
Alokba : Ni Obala den tatem o jembidi:
1. Oba na taküm alidang ne kinungtsü mezüngdangtet liasü, ajioda onokibo onok Tedi tenu mebendangteter.
2. Ano nai tangar ka o ka na shishilembadang  tetsüngda nung na ajangzüknüba yimya tu onokibo mebenshili.
3. Nai kiyonger adianu indang  majung bendena jembiba  tu onokibo mejembili.
4. Nai kidanger den artsülen mapang shia kongshiba tu onokibo meinyakli.
5. Nai sorkar mapa nung nisungbo malisür tenüngbo aika züluoker itasen agizüka onok mesüba tu ratar ako!!!
6. Arogo nunga Deacon inyaktsü tasa nai yanglua inyak aser sodibo memeshidang.
7. Nai sarasadem dangbo sürajang tazüa tsüktsüsa sarasadem, saka telangzübabo kecha maliasü.
8. Oba! Nai o tajung tanang agi ajak den kasa  jembi, saka mapabo ajunga takodang inyaka aruba adianutem purmedemertem külem inyakertem, lanuwa tembartem, arok school azüngertem aser külem Arogo tenzükertem ano kiyonger ajunga sendena lirko na tejak tentet tenteta dang asüyim lenmang jagi luangni!!!! Salem.
Kiyonger : Kuli ajak techir Alokba-i periatokogo!!!!

Lilir : I. KIlang Ajem, Indisen, Dimapur.