Melangteper Hardeep Singh tsükogo

Rio de Janeiro, August 16 (Agencies) : India nunger melangteper Hardeep Singh-i Turkey nunger Cenk Ildem makokba ajanga Greco-Roman 98 kg 1/8 Final nungi tugogo. Mongulbarnü Rio de Janeiro nung Cenk Ildem-i 2-1 agi Hardeep Singh tsükdaktsü.
Tena melangtep tenzüklibo shingaia point angutsü maongka mongutet. Iba mapang arishi küm 30 tain, Turkey nunger Cenk Ildem temerenshi ka angu, ajisüaka idangji India nungbai iba maongka agia point ka tanga mongutet.
Melangtep tenzüker minute anabuba nung Hardeep-i foul menaba ajanga pa-a temerenshi ka angu aser iba mapang Cenk Ildem-i maongka agia point 2-0 angu.
Melangtepba tanabuba tesadang nung Ildem temerenshi ka ngua tenzük aser indangji arishi küm 25 tain, India nunger Hardeep Singh-i maongka agia point ka angu. Melangtep atemtsü second 30 anünga lia melangteper ana pronglai point angutsü kanga merang ajisüaka shingaia mongutet anungji iba melangtepa Turkey nungbai akok.
Hombarnü 85kg tarensen melangtepba nung India nunger Ravinder Khatri-i Hungary nunger Viktor Lorincz madak tamakok anguba sülen ano Hardeep Singh tsükba ajanga India nunger Greco-Roman category nung 2016 Olympic medal angutsü timla ajak samaogo.