NSCN(K) den yimjung ken o tenzüktsü ni ajungshi: Zoramthanga

Aizawl, August 16 (Agencies): Mizo National Front (MNF) Tir, Zoramthanga-i, Centre aser Myanmar sorkari pa dang ketdangsüa NSCN Khaplang telok den yimjung ken o jembitsü ajungshiogo, ta ashi.
Aizawl nung party sentong ka nung jembidang Zoramthanga-i, “Prime Minister’s Office-i kü dang Khaplang den tongteprateptsü ajungshiogo, ano külen Mynamar sorkari kü dang ketdangsüa Naga lenir ajurua NSCN(K) telok den yimjung ken o jembitsü ajungshi,” ta ashi.
Taoba Ato kilonser, Atal Bihari Vajpayee yimsüsüba mapang taoba Mizoram Chief Minister-i 2002 küm October ita Bangkok nung Th. Muivah aser Isaac Chishi Swu na ajuruba ajanga Centre aser NSCN(I-M) na tsüngda tesentaktep mejungi aliba junga kümdakja liasü.
Pai tiyongtsüi ia jembiba ajanga ken o jembiba anener aliba asentenshir tenzük aser tesüsa yaküm December ita nung Naga Accord tezüngzüktep agia liasü.