Samaro-i “KORANG PUNGO” ta ser DVD ka sayaogo

Dimapur, August 17 (TYO) : “KORANG PUNGO” ta ser Samaro teloki DVD kensep tasen ka adokogo aser iba ya Samaro indang kensep Tersürka (11) buba lir.
Samaro nung züngsem asem lir aser par asemprongla Theology zünger Pastor, Youth Director ama inyaka arur. Ano par asemprongla Missionary taküm kaka lir iba den ken agi Tsüngrem kuli asüba telok ka lir.
“Asen Aortemi ken kanga anganüba aser ano tali temaleni ajungketa par asem anepalua amshiba atema pelar. Iba den Revival aser Youth Camp aser sentong balala nung Arogo aser telok balalai Aor kentener tajung aika liaka par asem ketasena amshiba asoshi pelar ta” ta Samaro-i sangdong ka nung metetdaktsü.
“KORANG PUNGO” kensep nung ken ajak agi 8 lir item kentem tasen mejembatem lir.
Tanü tashi nung Volume aika adoka liaka iba ministry maneni inyaka parnok dak rongsen lenmang peria makaba mapang ka nung asen Aor tangateter aser Tsüngrem temeim meteter aika aliba ajanga dang parnok teyari ajanga dang inyakteter ta Samaro-isa ashi.
“Iba Album “KORANG PUNGO”, ya Mr & Mrs. I. Yanger Jamir, PRO NPF Central office, Hq. Kohima aser Er. & Mrs. Atu Imsong & family teyari ajanga adoktetba dang lir” ta parnokisa metetdaktsü.
Korang Pungo ibai tanü tatem putu nung Tsüngrem chirtem item Korangtem angutsü merangtepa Yisu aru yongya ataa alitsü nükjidong nung adokba DVD kensep ka lir.
“KORANG PUNGO” DVD kensep indang jenjangji sen 200 lir.