Ben Whishaw-i ‘Mary Poppins Returns’ nung shilem agitsü

London, August 16 (Agencies): ‘Skyfall’ film star, Ben Whishaw-i Emily Blunt aser Lin-Manuel Miranda nunger den külemi Disney indang ‘Mary Poppins’ film tasenba ‘Mary Poppins Returns,’ nung shilem agitsü jembidar.
Arishi küm 35 tain actor, Ben-i film tasenba nungji Michael tain kumer aliba shilem agitsü, ta Daily Mail osang ajanga metetdaktsü.
‘Into the Woods’ direct asüsang, Rob Marshall-i direct asütsü aliba film tasenba ya 1964 classic sülen küm 20 lir yangluba film lir.
‘Mary Poppins Returns,’ film nung Blunt-i tanur repranger shilem agitsü aser ‘Hamilton’ star Miranda-ia tongti shilem agitsü.
Akhidang London nung atalokba film nung Whishaw (Michael), lar jala asem aser aianu Jane nunger dak atalokba otsütem lir.
Ano actress, Meryl Streep-ia Mary Poppins’er kinünger, Topsy shilem agitsü ta osang angazüker.
Film tasenba ya sangküm London nung tangoktsü aser 2018 küm Khristmas mapang sayatsü sentong lir.