Kendall Jenner sülen anishiba atema tebur ka apu

August 17, 2016: TV star aser model, Kendall Jenner sülen anishiba atema  Police-i Los Angeles nung tebur ka puogo.
Jenner-i West Hollywood Home nungi Los Angeles Police Department (LAPD) dangi call asüba sülen police-i arishi küm 25, Shavaughn McKenzie apu.
Mongolbarnü Associated Press osang ajanga ashiba agi, Deobar aonung 9:45 ako meta police-i Shavaughn McKenzie apu.
McKenzie anema anishia senzüba ken o benok aser Los Angeles County Sheriff Department-i pa US sen 180,000 agi dang bail nung chioktsü.
Chateau Marmont anasa Jenner lar kidang atongtsü lia la sülen anidaksang jagi la anasa arutsü merang. Ajisüaka lai gari nungi mayazüki police dangi call asüba sülen pa apu.
Tesülen LAPD nungi Sergeant, Leonard Calderon-i iba osangji tejangja osangbenertem dang metetdaktsü.
Arishi küm 20 Jenner ya tawa tuang Caribbean nungi meyipa aruba sülen la aianu Kylie arishi küm 19 ajungba benjungmung monga liasü.
Taküm küm tetenzüklen lai Emily Blunt aser John Krasinski na dang nungi West Hollywood Home ji US sen million 6.5 agi alizüka liasü.
Square feet 4,800 kidangji mejangba takdang trok aser bathroom pongu lir.