RCOM-i Rs 39 agi minute 300 app-to-app calling tenzüktsür

Ahmedabad, August 17 (Agencies) : Smartphone ajanga app-to-app voice calls tajungba kümdaktsütsü nükjidong nung Reliance Communications (RCOM)-i `Calling Ka Naya Tareeka` ta ser scheme tasen ka tenzükogo ta Bodbarnü company sangdong ka nung metetdaktsü.
India nung `Calling Ka Naya Tareeka` offer tenzükba nung RCOM-i Rs 39 ajanga minute 300 HD app-to-app calling sütettsü. Iba mapang India mesüra bendanglen jembitsü akok, ta RCOM sangdong nungsa ashi.
“850- MHz spectrum band nung RCOM indang 4G LTE network ya alima ajunga nung next-gen voice aser data services atema frequency tajungtiba lir ta züngshir” ta sangdong nungsa metetdaktsü.
Iba scheme ajanga RCOM customer temi JioChat, Whatsapp, FB Messenger, Skype, Google Hangouts, imo aser Viber amala data-based apps ajanga alima ajungalen call sütettsü.
“RCOM-i Gujurat den tesentaktep tajung lir aser `Calling Ka Naya Tareeka` offer ajanga iba state nungi India nung voice calling indang scheme tenzüktsür” ta RCOM sangdong nungsa metetdaktsü.