Kohima: 29 buba Nagaland State Taekwondo Championship tenzükogo

Kohima, August 18 (TYO): Tanü, Brehostibar nü nungi tenzüka, Kohima kübok Indira Gandhi Stadium nung 29 buba Nagaland State Taekwondo Championship asayatsü tenzükogo.
Nagaland Taekwondo Association (NTA)-i ayongba asayamong nung asayar aser ketdangser ajak agi nisung 267 tashi shilem agiba osang jangjaogo.
Peren, Kohima, Dimapur, Mokokchung, Mon, Tuensang, Kiphire aser Phek densema, Nagaland kübok densemba district 8 nungi tebur o tetsür asayartemi cadet, sub-junior, junior aser senior tetoktepba balala nung toktepa shilem tagidak lir.
Tanü asayamongji NTA Tir, Pele Khezhie-i tenzükja liasü.
Asüng, Hokolbar nikongtsütsü 4 ako nungi tenzüka asayamong sempet agütsüba sentong agitsü aser iba sentong nung Nagaland Commissioner & Secretary, Youth Resources &Sports, L. Kire tongti tesemdanger alitsü.