Kerry-i taruba hopta Africa semdangtsü

Maryland, August 20 (Agencies): US Secretary of State, John Kerry-i taruba hopta Africa continent semdangtsü sentong renemogo.
Kerry-i taruba Hombar nü Kenya semdangba sülen pai maneni Nigeria linük aser tesülen Saudi Arabia linük semdangtsü sentong renema lir.
Pai Kenya Tir, Uhuru Kenyatta den senden amendang par linük aser kidangsüa aliba South Sudan o Somalia linük na den sentakba onük benoka jembitsü.
Iba sülen, Kerry-i Nigeria Tir, Muhammahu Buhari dena ajurutepa par linüki ajurushiba rongsenren jenjang mejungi akümba aser ochimashi inyakba onük benokba den külemi, Boko Haram ta ajaba kiralongrar teloki lendongtsüdong bener arutsüba den sentakba onüka benoka jembitsü sentong lir.
Boko Haram teloki Nigeria kübok Chibok nungi tetsür kaketshir nisung 300 tashi tashiyim agi 2014 küm pur aoba den külemi, par teloki Nigeria sorkar anema küm 7 tashi raradang tajemba agi nisung 20,000 shi tepsetba osang bushiteta lir.
Tesülen, Kerry-i tan Bodbar aser Brehostibar nü na Saudi semdangtsü sentong renema lir.