Bihar nung RJD lenir Vinod Yadav kahset

Patna, August 20 (Agencies) : Honibarnü Bihar Bhagalpur district nung tang yimsü tesüdak Rashtriya Janata Dal (RJD) party nung lenir ka kahsetogo, ta police-i ashi.
Rasulpur tesem nung alir Vinod Yadav den tangar ana dena senden ka nung adentsü oyaa aliba mapang motorcycle ka nung prongpong bener arua Vinod yangji kahset.
Mezüng bushisüngdangba sülen Police-i iba tatalokba ya parnok tsükchitepa alir kar mapa asütsü akok ta ashi.
Yadav pusemertemi pa kahsetba tejashi sayua gari lenmangtem nokdang aser lenmang nung garitsüng bendena arong.
Yadav ya tesüiba mapang, yimsüsür maküm dang ozüng alema benshir nisung ka liasü aser pa dak tashi tulu aliba agi pa aliba tesem nung pa dang ‘bahubali’ ta ja-a liasü.
Anogo asem tejakdang Bharatiya Janata Party (BJP) lenir Ashok Jaiswal-a Patna, Danapur tesem nung kahset.