Aizawl, August 21 (Agencies) : Mizoram nung mezüngbuba dengue tashidak putetogo. Dengue agi shirangerji Kolkata nungi Aizawl-i aruba liasü, ta ketdangser kati ashi.
“Aizawl anasa Lengpui airport nung dengue screening centre ka lapoka lir. Honibarnü Kolkata nungi arur ka dak dengue aliba putet. Pa Aizawl Civil Hospital nung anepaludar” ta Mizoram health department nung ketdangser kati ashi.
West Bengal aser Assam nung dengue tashidak bulua aliba nung ajemdaker Lengpui airport nung maneni tendangtsü ta paisa shisem.
Mizoram state sorkari Aizawl Civil Hospital aser Lunglei district hospital nung surveillance unit lapoka lir aser item unit nung health expert temi ketdangsüa repranger.
Mizoram nung mezüngbuba dengue tashidak putet added by nungsang on
View all posts by nungsang →
You must be logged in to post a comment Login