Dimapur nung mejangjatetba tasümang 2 lir : Dimapur Police

Dimapur, August 21 (TYO) : Supply Road, Dimapur nung Military Farm anasa August 17, 2016 nü tebur tain (non-Naga) ka indang tasümang angu. Iba nisungji arishi küm 40 tain shi ka asütsü, ta Dimapur Police-i sangdong ka nung metetdaktsü.
Tasüsangji Grey shirt aser Brown long pant sema liasü aser osang metetpela süaka nisung shingaia mang abeni marur, ta sangdong nungsa shia lir.
Iba mangji Morgue nung yua lir aser nisung shinga marura aremtsü. Iba dak sendakba nung +91 7085055026 ajanga Officer-in-Charge, Sub Urban Police Station, Dimapur den tongteprateptsü metetdaktsür.
August 20, 2016 nü District Hospital Dimapur nung tebur tain (non-Naga) ka asü. Arishi küm 50 shi tain teburji August 11, 2016 anogo nungi mozü kidang anepalutsü aniokba liasü, ta Dimapur Police-isa metetdaktsü.
Iba nisung indang osang tejangja kecha mali aser pa indang mangji Morgue nung yua lir. Ghonda 72 tsüngda nisung shingaia tasümang abeni marura, ketdangsertemi aremtsü. Iba dak sendakba osang metetnürtemi +91 7085055020 ajanga Officer-in-Charge, East Police Station, Dimapur den tongteprateptsü akok, ta sangdong nungsa shia lir.