Assam Cement company temi cement jenjang ajemer

Guwahati, August 21 (Agencies) : State nung cement jenjang onsara tali akümba osang angashia Assam chief minister Sarbananda Sonowal-i cement yangluba company 25 den ajurutepa jembiba sülen cement company temi cement nung jenjang ajemtsü lemtetogo.
Honibarnü Chief minister Sonowal-i Assam Secretariat nung pa office indang conference room nung cement company tem ketdangpurtem den senden ka mena cement nung sen jenjang mapidangi atuba kulitem asüngdang.
“Cement nung sen tali kahketa atuba ajanga nüburtem kanga akoksar. State sorkari nüburtem nüngdakba oset ajak nung jenjang tataktet shitak ayuba tsütsü inyaktsü,” ta Sonowal-i ashi.
Sonowal-i cement yangluba company tem dang cement jenjang ajaki agizüktettsüsa ajemtsü atema mera takang kar agiang ta metetdaktsüogo.