Angh-i special Assembly session jazüker

Kohima, August 22 (TYO) : Nagaland Angh, P. B. Acharya-i August 26, 2016 nü Teranabuba Nagaland Legislative Assembly (NLA) nung 13 buba (Special) Session agitsü jazükogo.
Anepdang 9:30 ako nungi Assembly Hall nung iba session agitsü.
Ano külem, NLA Speaker aser Business Advisory Committee (BAC) Chairman, Chotisuh Sazo-ia August 24 nü Committee senden ka amentsü ayongzük.
Iba sendenji Assembly Committee Room nung amentsü aser special session atema Provisional Programme yanglutsü. BAC züngsem ajak iba senden nung adentsü metetdaktsür, ta Chotisuh Sazo-isa metetdaktsü.