Lengrijan lanurtemi auer ka apu

Dimapur, August 22 (TYO) : Lengrijan yimtsüng nung lanurtemi auertem mita senzüdang Hombarnep 3:00 ako meta Tuesday bazaar tesem anasa nisung ka dak temulung melemi apu.
Parnoki nisungji pur mita reprangdang pa ket nungi sen lakh 1.40 aser mobile handset ana bena aliba ngutet aser senji mapa nungi anisüngzüker aliba sorkar ketdangser ka’er kidang nungi pai auyaba liasü, ta osang ka ajanga ashi.
Lengrijan nung mapang shia garitem aser ki osettem auyaba atema lanurtemi taoba ita ana tashi parnok kiyong nung ozüng alema mapa inyakertem mita repranga arur.
Lengrijan lanurtemi apuba auersangji par yimer ket nung agütsü aser yimeri pa Dimapur nungi meindokogo ta osang angazüker.