DAN Legislators senden amentsü

Dimapur, August 22 (TYO) : August 26, 2016 anepdang 9:30 ako nungi Teranabuba Nagaland Legislative Assembly indang Special Session ka amentsü, ta Nagaland Chief Minister, T.R Zeliang-i sangdong ka nung metetdaktsü.
Iba session nung Constitution (122nd) Amendment Bill, 2014 benoka olemteptsü, ta sangdong nung shia lir.
Iba dak sendakba nung August 25, 2016 nikongtsütsü 3:00 ako nung DAN Legislators senden ka amentsü, ta T.R Zeliang-isa metetdaktsü.
Sendenji State Banquet Hall, Kohima nung agitsü, anungji züngsem ajak arua adentsü mepishir, ta sangdong nungsa shia lir.