Kohima nung COPTA 2003 indang training tenzükogo

August 24, 2016 nü KMC Conference hall ADC Kohima, Lithrongla Tongpi, KMC Administrator, Kovi Meyase aser Nodal Officer DTCC, Dr. Arenla Walling nunger den training nung adenba dokan kiburtem külemi agiba noksa ka angur.

Dimapur, August 24 (TYO) : August 24, 2016 nü Kohima Municipal Council (KMC) Conference Hall nung “Choose life not Tobacco” omen nung ajemdaker Community Awareness on Tobacco Control sentong agi.
Sentong nung o jembidang ADC Lithrongla Tongpi-i ashiba agi, moko ayokba dokan kiburtemi pei dokan kima nung sign boards ayutsüla aser arishi küm 18 teküpokpur dang moko ayoktsü ozüngi memelar.
School aser college tem anasa dokan tem nung signboard yua liaka ozüngi moko ayoktsü memelar aser aibelenertem merenshitsü, ta laisa ashi.
District Nodal officer for Tobacco Control, Dr. Arenla Walling-i dokan kiburtem dang COTPA 2003 indang metetdaktsüdang, alima nung tashidak adokdaktsüba aser nisung taküm samadaktsübaji moko achiba ajanga lir aser iba ya noktangtettsü, ta ashi.
Alima nung kümshia moko ajanga nisung million 5.4 shi asür aser Nagaland nunga moko achiba ajanga tashidak balala adoka nisung jenti samar, ta laisa shisem.
KMC Administrator, Kovi Meyase-ia dokan kiburtem dang ‘pollution free city’ kümdaktsütsü alizüng asoshi longjemer mapa inyaktsü ayongzük.
Paisa training nung adenba dokan kiburtem nem COTPA kulikakettem lema agütsü aser KMC office nung signboard menüngtsü ta metetdaktsü.
Tanü Community Awareness on Tobacco Control training nung dokan kibur 25 aden.