Ni RSS ajakbo maitsü: Rahul Gandhi

New Delhi, August 24 (Agencies): Tanü Congress tatong Tir, Rahul Gandhi-i Supreme Court dang, Mohandas (Mahatma) Gandhi tepsetba atema pai kodang RSS pur ajak maitsü, ta shiogo.
Rahul anema tenüng menüktsüba ken o benoker RSS nung inyaksangi, Rahul-i RSS-i nisung tepsetba kuli agütsütetra pa anema benokba ken o ji agientsü, ta ashi.
Rahul atema okatsür, Kapil Sibal-i Supreme Court dang, “Iba aibelen (Mathatma Gandhi tepsetba) atema Rahul Gandhi-i kodanga RSS tentet maitsü,” ta ashi.
Rahul indang affidavit nung aliba metetdakja court-i, “Rahul-i kodanga RSS nem tai metongloktsü saka RSS den sentaktepa alir nisung ka nem tai tongloktsü,” ta ashi.
RSS züngsem atema okatsür, U R Lalit-i mapang meshiba nung ajemdaker iba ken o ya maneni September 1 nü angadangtsü.
2014 küm March ita nung Thane nung election nüboyim sentong ka nung jembidang Rahul-i, “RSS nisungi Gandhi tepset, aser tanübo par (BJP) nisungtemi pa indang jembir. Parnoki Sardar Patel aser Gandhiji anemer,” ta jembia liasü.
July 19, 2016 nü Supreme Court-i  Rahul dang, Gandhi tepsetba atema RSS nem tai tongloktsüba asoshi tatok meshiang, mesüra pa anema tenüng menüktsüba ken o akatsü, ta metetdakja liasü.