Taruba ita Egypt Tir Abdel-i India semdangtsü

New Delhi  August 24 (Agencies):  India Tir, Pranab Mukherjee-i jaokba nung ajemdaker September 1 nü nungi 3 nü tashi Egypt Tir, Abdel Fattah Al Sisi-i India semdangtsü, ta Bodbarnü sangdong ka ajanga metetdaktsü.
Al Sisi den pa meina arurtem rongnung minister tem, ketdangsertem aser shishilembar lenirtem densema arutsü, ta External Affairs Ministry sangdong ka ajanga metetdaktsü.
Egypt Tiri linük semdangba mapang pai Ato kilonser, Narendra Modi den linük ana tesentaktep ken otem jembitsü aser Mukherjee-ia Tir nüngtem nung chiyung benjung ka ayongzüktsü.
Tatong Tir, Hamid Ansari aser External Affairs Minister, Sushma Swaraj natia Egypt Tir ajurutsü.
Iba mapang nung Al Sisi-i India aser Egypt naprong nungi shishilembartem lenirtem ajurutsü sentong lir.
Egypt Tiri kati tesüsabuba India semdangbaji 2013 küm Tir, Mohamed Morsi-i New Delhi semdangba liasü.