Indian Psychiatric Society Brand Ambassador atema Deepika shim

Mumbai, August 24 (Agencies): The Live Love Laugh Foundation (TLLLF) tentetla aser actress Deepika Padukone Indian Psychiatric Society (IPS) Brand Ambassador shimogo.
TLLLF aser IPS longjemer mental health atema outreach programme ketdangsüa katsütsü.
India linük tesem ajaklen ‘Together Against Depression’ ta ajaba sensitization programme nung IPS-i TLLLF yarisemtsü. Iba programme ya May 2016 nung tenzüka liasü aser Indian Medical Association (IMA)-i yarisema doctor 2,000-i shilem agir.
Taküm küm tashi nungbo doctor 5,000 ajungtsü nükjidong nung TLLLF-i iba programme ulushitsü nükjidong yur inyaker.
IPS den tangatettep nung iba Society nung Deepika brand ambassador akümtsü aser laia iba sentong pusemtsü mulungogo.
Sangdong ka ajanga Deepika-i, “India sensotem Mental health ya linük atema tayongzükba tulu ka kümogo aser iba atema asenok ket nung resources koba tashi ka ulua lidir yamaji nüngdakbapurtem asenoki yaritettsü,” ta metetdaktsü.
Laisa, “The Live Love Laugh Foundation aser Indian Psychiatric Society nati sorkar aser lokti atema mental health ya tongtibang onük ka kümdaktsütsü atema nükjidong lemsatepogo. Indian Psychiatric Society nung ni brand ambassador ka ama küm shilem inyaktsü aliba asoshi pelar,” ta ashi.
IPS Tir, G. Prasad Rao-i, alima nung mental health patients timtiba aliba linükji India lir, kong India nunger tajemba agi million 50 shii tejashi ajangshir, ta ashi.
Doctor tem atema Together Against Depression sensitisation programme ya linük tesem ajaklen akatsü. Iba programme yagi tongtibangsüa depression, screening aser treatment nung rangloker inyaktsü. Ano Programme nung shilem agirtem nem videos, ocettem aser tasüngdangbatem densema nüngdakba kaket balala agütsütsü.