Indore tsür kati World Record tasen yanglur

Indore, August 24 (Agencies): India kübok Indore yimti nung alir aiür chanu kati ghonda 31 tashi asem atemba sülen alima ajunga nung asem mapang talangtiba atemba otsü yanglua, Guinness Book of World Records nung la tenüng züluokogo.
Arishi küm 24 tain Shrishti Patidar-i asemben tashi mapang tatsütsü anenzüka, tan Hombar nikongdang 12:30 ako nungi tenzüka tan Mongolbar aonung 8:00 ako tashi asem atemba sülen lai tan otsü tasenji yanglu.
Srishti-i taoba mapang ghonda 24 tashi asem atemla, Mexico tsür, Sophia-i yangluba otsü ajangteter lir.
“Srishti-i taoba ita ishika kanga meranga terenemshiba agiba sülen lai tan otsü tasen ya asangsang nung yanglur lir,” ta Srishti tesayur, Bablu Sharma-i metetdaktsü.
Par jalai otsü tasen yanglua alima nem la metetdakja akümba atema pelaba olen ka Srishti tebu, Vinod Patidar-ia metetdaktsüogo.