Gwen Stefani aser Gavin Rossdale na balatsü

Los Angeles, August 04, 2015: Nüngtugu tetsür kentener Gwen Stefani aser Gavin Rossdale na kibong tatembang kati arudagi. ‘No Doubt’ nung kentener tongti Gwen-i Rossdale den balatsü asoshi Hombar nü (August 03) nü Los Angeles County Superior Court nung benokogo.
Arishi küm 49 Rossdale aser arishi küm 45 Gwen napronglai tena balatsü kuliji, tena tangatetba nung tetsüngda tulu lir aser kati ka mangatetteper ta shiogo, ta New York Daily News ajanga ashi.
Tena meyong rongsenji kasa lemdangtsü ta osang angazüker. Stefani ket nung US sen million 80 aser Rossdale ket nung US sen million 35 jenjang rongsen lir.
“Künaprongla tangatettep nung joko küna kinüngtsü-kinungbo ka ama malitsü, saka tanurtembo aroki reprangtsü. Künapronglai jabaso asemprong tajungtiba nung anitettsü lemtetogo,” ta tenapronglai sangdong ka ajanga ashi.
1995 küm Stefani’er telok, No Doubt-i Rossdale’er kentener telok Bush asoshi kenten sentong lapokja shilem agiba mapang tena nguyutepa liasü aser 2002 küm London nung kibong aküm.