Italy menoknok nung nisung 120 tema asü

August 24, 2016 nü Italy kübok Pescara del Tronto nung nisung ka menoknok agi raksatsür aliba tesem süi aodang agiba noksa ka angur.

Saletta, Italy, August 24 (Agencies) : Bodbarnep Italy nung menoknok tesashi ka anokba lendong nung nisung 120 tema asüba jangjaogo aser ano nisung aika mangu bushitepdar.
Amatrice jila nung 6.2 asadangba menoknok lendong nung nisung 120 tema tashi asüba osang jangjaogo aser ano nisung 100 shi yirua lir. Amatrice anasa aliba jilatem- Accumoli aser Arquata del Tronto nung teraksa ajuruba osang lir, ta Italy nung Civil Protection agency ajanga metetdaktsü.
Menoknok ajanga nisung 1000 shi pei talidak toktsür aotsüsa kümogo aser taonung atema Amatrice jila nung nisungtem memejangdaktsütsü, ta Civil Protection agency-isa metetdaktsü.
Tanü Italy Prime Minister, Matteo Renzi-ia linük ayongzüka jembidang menoknok lendong nungi takümtem kümzüktsü merangtsü ta ashi.
“Yimtsüng tesadang ka samaogo” ta tanü Amatrice mayor Sergio Pirozzi-i jila sema senzüba sülen ashi.
Bomb tesashi amshia amakdang poksaktsüba ama menoknok ajanga teraksa bener arutsüogo, ta Sergio-isa shisem.
Iba osang angashiba sülen Pope Francis-i St Peter’s Square nung hopta shi agiba sentong khen atema anena ata.
2009 nunga Umbria, Marche aser Lazio tesemtem nung menoknok tesashi ka anok. Iba lendong nung nisung 300 shi taküm sama.