Tashitak atemabo Negative; Tanüla atemabo Positive nüngdaker

Kiyonger    :     Oko, junga lir südi. Langka asüngdangdi, na tanga mapang nungbo sentep-i teti arur saka asen Arogo Revival sentep-ibo kechiba marur? Ya kechi tai ta asen kiyonger nü dak kanga ratar ato.
Alokba    :    Ni temang tashidak ya mozü agia majunger. Iba atema shisabuludang aliba agi revival sentepi marurba tangako.
Kiyonger    :    Ari! Oko tekolok tera meshidakbo mesükama? Mozü agi maneptetba tashidak ajak revival nung jungtsür nung koda.
Alokba    :    Kiyonger tajung, revival sentep nung shilem agirtemi tanep yangi sentepi arua alir rongnung arishi maket asem lir, tashidak tulu aketer ana lir, kiküm anasa süngden ana sayur ta ashidang ni temulongjang ajak pokdoka aoksar. Kechiba süra ni tashidak lirji tasüba jagi ni meneptsü asü, süngdenji ni asoshia ka asü ta-sa shisabulur iba jagi ni revival sentepisa maruraja.
Kiyonger    :     Süra revival Assamese arogo revival sentepibo khendanga meditemi kechiba aoer? Parnok sentepi aotsübo tetsüng agi talangka jajarato aser revival-ji kasa dang nung koda? Na Assamese shia lir ta tangar nem metetdaktsüner asü?
Alokba    :     Assamese revival sentep senshia tetsüng agi talangka jajaaka pelaseta ki atonger. Iba jagi ni par sentepisa aorako.
Kiyonger    :    Assamese revival sentep nungbo metaisa alemer ana? Kechiba yamaji pelar aka?
Alokba    :    Par sentep nung metaia malemer chia mechiyunger, sen-a malemer.  Saka odang pelar, kechiba süra Tsüngremlari yamai ashir. Tanep iba revival nung adener asem nem arishi apuloktsügo, mozü agi maneptetba tashidak aketer ana nem taneptsü agütsütsü, tasü süngden agi tongja tonger alir ana nungi süngden agientsü ta ashidang ni kü tashidak window nungi merepzüka tuker ama angur, aser arishi apuloktsür rongnung nia dener amai kidangi pelaseta aoer aja. Aser ni dang masü asen kiyonger Supangba’r kibonga Assamese sentepi arur ako. Na-a belena arung no. O yabo positive tajungbaja, membership-a belentsü bilemtar.
Kiyonger    : Oh! Alokba
Lilir : Imo Lkr, Dimapur