AR-i NSCN (K) züngsem ka apu

Dimapur, August 29 (TYO) : August 26, 2016 nü Jalukie jila nung 9 & 18 Assam Rifles den Nagaland police nübo dena NSCN (K) züngsem ka apu.
Iba nisungji NSCN (K) nung Sgt Maj Kuria Liegise ta jangjaogo aser pa ya Benreu yimer Malelu Liegise’er jabaso lir.
August 25, 2016 nü Jalukie nung telungpur ka senzüba osang tejangja angazük aser iba sülen Assam Rifles o Nagaland police telok ka tenteta bushitepa aodang Veterinary Colony anasa NSCN (K) züngsemji apu, ta Assam Rifles sangdong ka nung metetdaktsü.
Pa ket nung 7.65 mm Pistol ka, round asem, magazine ka aser NSCN (K) indang sen saruba shidi trok bena lia apu, ta sangdong nung shia lir.
Pa NSCN (K) nung züngsem ka aser Jalukie, Peren nung mapa inyaka aru. Pa den temabapurtemi tetuyuba agütsüba ama pai mapa inyak ta Kuria Liegise-i asüngdangya asüdang ashi, ta AR-isa metetdaktsü.