Alichen Compound nüburtemi Territorial Army mapa aitsür

Mokokchung, Aug 29 (TYO): Aug 26 aonung 8:15 ako meta Alichen Compound nung alir senso tajung T.Wapang Longchar’er ki kecha kuli mekai Territorial Army Maj. David lenisüba nung sepaitemi tashiyim agi ki kaka mitba maparenji kukua aitsür, ta Alichen Compound Chairman T.Merang Longchar aser Secretary L. Supong Imchen nati sangdong ka ajanga metetdaktsü.
Osang ajanga angazükba agi, sepaitemi T.Wapang’er ki mitba mapang nungji “na telung nung alir südi? Aser hadir (arms) kechi nung lir?” ta asüngdanga kidang alir tetsür-tanur ajak makmakshishidakja liasü.
Kecha tai maketer senso ka dak iba amai inyakba ajanga tetsür tanurtem dak teti asoshi tetsübutsü tarak kettsüba den Alichen nüburtem animesüngzükteti kümogo, ta parnokisa metetdaktsü.
Alichen nüburtemi Maj. David dang, “pei jakla azüokba den tai maketer Naga nunger dang timi benshiang”, ta tajungshiba ka metetdaktsü.