DDTTA-i 4 buba Dimapur Open & ITTT asayamong ayonger

Dimapur, August 04 (TYO): Dimapur District Table Tennis Association (DDTTA)-i 4 buba Dimapur Open & Inter-School Table Tennis Tournament (ITTT) taruba September ita 10-11 nü tashi Indoor Stadium, District Sports Complex, Dimapur nung asayatsü ayongogo.
Iba asayamong nung Under-16, Under-21, tebur, tetsür aser Veterans (Arishi küm 40 ser tema) shilem indang singles aser doubles tetoktepba alitsü renemba osang ka DDTTA Tir, Er Chirotho-i tanü metetdaktsü.
“Tan asayamong nung shilem agitsü taa sen kaketshirtem nungi sen 50 aser tanüngba asayartem nungi sen 100 agitsü renemogo.Ajisüaka, Inter-School Championship nung shilem agitsüpur nungibo taa sen magitsü,” ta pai ashi.
“Inter-School Championship nung shilem agitsü asoshi tejangrar school shia timba agi asayar 5 aser tajemba agi asayar 3 tashi yoka team shilem nung toktepdaktsütsü metetdaktsür,” ta pai sangoktsü.
Iba asayamong den sentakba osang tali jangjashinertemi Technical Secretary, Toshi den mobile no. 9402434313 ajanga tongteprateptettsü.